சாலையில் நடந்து சென்றவரிடம் செல்போன், பணம் பறித்தவர் கைது

சேலம், ஆட்டையாம்பட்டி மூவேந்தர் நகரை சேர்ந்தவர் ராஜா (வயது 58). இவர் சம்பவத்தன்று மகாத்மா காந்தி விளையாட்டு மைதானம் அருகே சாலையில் நடந்து சென்றார். அப்போது அந்த வழியாக வந்த 3 பேர் அவரை மிரட்டி செல்போன், ரூ.300 ஆகியவற்றை பறித்து சென்றனர். இது குறித்து அவர் அஸ்தம்பட்டி போலீசில் புகார் கொடுத்தார்.

அதன்பேரில் போலீசார் வழக்குப்பதிவு செய்து கிச்சிப்பாளையத்தை சேர்ந்த பிரகாஷ் (37) என்பவரை பிடித்து விசாரணை நடத்தினர். அப்போது பணம் பறித்ததை ஒப்புக்கொண்டார். இதையடுத்து போலீசார் அவரை கைது செய்தனர். மேலும் தலைமறைவான 2 பேரை தேடி வருகின்றனர்.