மயான கொள்ளை திருவிழாவில் இளைஞரை நடனமாட கூறி தாக்கிய கும்பல்

நெற்குன்றம் பகுதியில் இரண்டு தினங்களுக்கு முன்பு மயான கொள்ளை திருவிழா நடைபெற்றது. அப்போது அதே பகுதியை சேர்ந்த பலர் கலந்து கொண்ட நிலையில் அதே பகுதியைச் சேர்ந்த ஹரிஹரன் என்பவரை மயான கொள்ளையில் நடனம் ஆடும்படி ஒரு கும்பல் வற்புறுத்தி உள்ளனர்.. அதற்கு அந்த நபர் மறுத்ததால் அவரை தாக்கி விட்டு சென்று விட்டனர். மீண்டும் மறுநாள் பட்டாகத்தியுடன் அவரது வீட்டிற்கு சென்ற அந்த நபர்கள் பாலமுருகன், ஜெயசூர்யா, ஈஸ்வர், சுந்தர் ஆகியோர் சேர்ந்து சரமாரியாக தாக்கி மிரட்டி உள்ளனர். இந்த சம்பவம் குறித்து அக்கம் பக்கத்தினர் போலீசாருக்கு தகவல் தெரிவித்தனர்

தகவல் அறிந்து சம்பவ இடத்திற்கு விரைந்து சென்ற போலீசார் ஹரிஹரனை தாக்கிய கும்பலை கத்தியைகாட்டி மிரட்டிய சம்பவத்தில் நான்கு பேரை கைது செய்து அவர்களிடமிருந்து பட்டா கத்தியை பறிமுதல் செய்தனர். மேலும் உரிய நேரத்தில் நான்கு பேர் கைது செய்யப்பட்டதால் அந்த பகுதியில் கோஸ்டி மோதல் ஏற்படாமல் இருந்தது தடுக்கப்பட்டது என்பது குறிப்பிடத்தக்கது..