கஞ்சா செடி வளர்ப்பில் ஈடுபட்டவர் கைது

கள்ளக்குறிச்சி மதுவிலக்கு அமலாக்க பிரிவு டி.எஸ்.பி., ரவிச்சந்திரன் தலைமையில், இன்ஸ்பெக்டர் தாரணேஸ்வரி, வனத்துறை அலுவலர்கள் மகேஷ், மனோகர் மற்றும் போலீசார் கல்வராயன்மலை பகுதியில் ரோந்து பணியில் ஈடுபட்டனர். அதில், வெங்கலுார் கிராமத்தை சேர்ந்த குப்புசாமி,40; விளைநிலத்தில் மரவள்ளி கிழங்கு பயிரின் இடையே கஞ்சா செடி பயிரிட்டது தெரிந்தது. தொடர்ந்து, விளைநிலத்தில் பயிரிடப்பட்டிருந்த 47 கிலோ கஞ்சா செடிகளை போலீசார் அழித்தனர். மேலும், விற்பனைக்காக வைத்திருந்த 1.250 கிராம் கஞ்சாவை பறிமுதல் செய்து, குப்புசாமியை கைது செய்தனர்.