மண்டைக்காடு பகவதி அம்மன் கோவில் கொடைவிழா - கலெக்டர் ஆய்வு

கன்னியாகுமரி மாவட்டம் மண்டைக்காடு அருள்மிகு பகவதி அம்மன் திருக்கோவில் மாசிக்கொடைவிழாவினை சிறப்பாக நடத்தும் வகையில் அதற்கான முன்னேற்பாடு பணிகள் குறித்து அனைத்துத்துறை அலுவலர்களுடனான கலந்தாலோசனைக்கூட்டம் மாவட்ட ஆட்சித்தலைவர் பி.என்.ஸ்ரீதர் தலைமையில், மாவட்ட காவல் கண்காணிப்பாளர் ஏ.சுந்தரவதனம் முன்னிலையில் மண்டைக்காடு மேல்நிலைப்பள்ளியில் இன்று (17.02.2024) நடைபெற்றது.  நடைபெற்ற ஆலோசனைக்கூட்டத்தில் மாவட்ட வருவாய் அலுவலர் ஜெ.பாலசுப்பிரமணியம், பத்மநாபபுரம் வருவாய் கோட்டாட்சியர் செ.தமிழரசி,  உதவி காவல் கண்காணிப்பாளர் பிரவீன். கௌதம்,  இணை ஆணையர் (இந்து சமய அறநிலையத்துறை)  ரத்தனவேல் பாண்டியன், கன்னியாகுமரி மாவட்ட திருக்கோவில்களின் அறங்காவலர்குழு தலைவர் பிரபா ராமகிருஷ்ணன்,  உதவி இயக்குநர் பேரூராட்சிகள் விஜயலெட்சுமி, கல்குளம் வட்டாட்சியர் முருகன்,  துறை சார்ந்த அலுவலர்கள் உட்பட பலர் கலந்து கொண்டார்கள். தொடர்ந்து கோவில் சுற்றுவட்டார பகுதிகள், கடற்கரை பகுதிகளை பார்வையிட்டு ஆய்வு செய்தனர்.