பாபநாசத்தில் மே தின கொடியேற்று விழா

தஞ்சாவூர் மாவட்டம்,பாபநாசம் மார்க்சிஸ்ட் கம்யூனிஸ்ட் கட்சி அலுவலக வளாகத்தில் 138 வது மே தின கொடியேற்று விழா நடைபெற்றது. விழாவிற்கு கட்சியின் ஒன்றிய செயலாளர் வி.முரளிதரன் தலைமை தாங்கினார்.மாவட்ட குழு பி.எம்.காதர் உசேன் கலந்து கொண்டு கட்சி கொடியை ஏற்றி வைத்தார்.

இதனை தொடர்ந்து பாபநாசம் புதிய பேருந்து நிலைய வளாகத்தில் அமைக்கப்பட்டிருந்த கொடி மரத்தில் சிஐடியு மாவட்ட செயலாளர் சங்கர் தொழிற் சங்க கொடியை ஏற்றி வைத்தார்.இதில் மார்க்சிஸ்ட் கம்யூனிஸ்ட் கட்சியின் ஒன்றிய செயலாளர் வி.முரளிதரன், மாவட்ட குழு பி.எம். காதர் உசேன், பி.கே.ஆர். இளங்கோவன் உள்ளிட்ட கட்சியின் நிர்வாகிகள் மற்றும் சிஐடியூசி நிர்வாகிகள்,உறுப்பினர்கள் உள்ளிட்ட திறளானோர் கலந்து கொண்டனர்.