ராஜகோபால சுவாமி கோவிலில் மோட்ச நிகழ்வு

நெல்லை மாவட்டம் பாளையங்கோட்டை ராஜகோபால சுவாமி திருக்கோயிலில் இராப்பத்து விழாவின் நிறைவாக பெரியாழ்வார் மோட்ச நிகழ்வு நேற்று இரவு நடைபெற்றது. முன்னதாக நேற்று மாலையில் ருக்மணி சத்யபாமா உடன் ராஜகோபால சுவாமி பரமபத வாசல் வழியாக வந்து ஆழ்வார்களுக்கு காட்சி கொடுத்தார்.அதனை தொடர்ந்து பரமபத மண்டபத்தில் பெரியாழ்வார் மோட்ச நிகழ்வு நடைபெற்றது. பின்னர் ஆழ்வாருக்கு மாலை மரியாதை செய்யப்பட்டு, திருப்பல்லாண்டு பாடியபடி எழுந்தருளினார். இந்த சாற்றுமுறை நிகழ்ச்சியில் ஏராளமான பக்தர்கள் பங்கேற்றனர்.