கடை முன் நிறுத்தியிருந்த ஸ்கூட்டியை திருடிச் சென்ற மர்ம நபர்கள்.

திருச்சி மாவட்டம் ஸ்ரீரங்கம் தெற்கு தேவி தெருவைண் சேர்ந்தவர் 43 வயதான ரத்தின தேவி. இவர் சமயபுரம் நால்ரோடு பகுதியில் உள்ள ஒரு கடை முன்பு தனது ஸ்கூட்டி பைக் நிறுத்திவிட்டு சொந்த வேலையாக சென்று உள்ளார். பின்னர் திரும்பி வந்து பார்த்தபோது ஸ்கூட்டி பைக் மாயமாகி இருந்தது. மர்ம நபர்கள் யாரோ ஸ்கூட்டி பைக்கை திருடிச் சென்றனர்.இதனால் அதிர்ச்சியடைந்த ரத்தினதேவி சமயபுரம் காவல் நிலையத்தில் புகார் கொடுத்தார். புகாரின் பேரில் சமயபுரம் போலீசார் வழக்கு பதிவு செய்து விசாரணை செய்து வருகின்றனர். மேலும் ஸ்கூட்டி பைக்கை திருடிச் சென்ற மர்ம நபர்களை போலீசார் வலைவீசி தேடி வருகின்றனர்.