அரசு பள்ளியில் மகளிர் தின விழா நிகழ்ச்சி

நாகை மாவட்டம் கோட்டூர் ஊராட்சி ஒன்றிய நடுநிலைப் பள்ளியில் மகளிர் தின விழா நிகழ்ச்சி நடைபெற்றது.

நிகழ்ச்சிக்கு கோட்டூர் ஊராட்சி மன்ற தலைவர் முகமது சலாவுதீன் தலைமை தாங்கினார். பள்ளியின் தலைமை ஆசிரியர் வானதி, ஊராட்சி மன்ற துணைத் தலைவர் பாலு ஆகியோர் முன்னிலை வகித்தனர். திருக்கண்ணபுரம் ஆரம்ப சுகாதார நிலைய டாக்டர் மலைமாலா சரஸ்வேணி, கால்நடை டாக்டர் சிவப்பிரியா ஆகியோர் சிறப்பு அழைப்பாளர்களாக கலந்து கொண்டு மகளிர் தின சிறப்புகள் குறித்து பேசினார்.

இதில் பள்ளியின் ஆசிரியர்கள் ,இல்லம் தேடி கல்வி தன்னார்வலர்கள், செவிலியர்கள், பள்ளி மேலாண்மை குழு உறுப்பினர்கள், துப்புரவு பணியாளர்கள், மருத்துவ பணியாளர்கள்,  பொதுமக்கள் பலர் கலந்து கொண்டனர். கலந்து கொண்ட அனைவருக்கும் ஊராட்சி மன்ற தலைவர் முகமது சலாவுதீன் இனிப்புகள் வழங்கினார். முடிவில் பள்ளியின் உதவி தலைமை ஆசிரியர் சுரேந்திரன் நன்றி கூறினார்.