தேசிய அளவிலான சிலம்பம் - எம்.எல்.ஏ துவக்கி வைப்பு
மல்லூரில் நடக்கும் தேசிய அளவிலான சிலம்பம் போட்டியை எம்.எல்.ஏ ராஜமுத்து தொடங்கி வைத்தார்.
Update: 2023-12-25 05:53 GMT
சிலம்ப போட்டி
சேலம் மாவட்டம் மல்லூர் சிவம் சிலம்பம் அறக்கட்டளை மற்றும் தற்காப்பு கலை பயிற்சியகம் சார்பில் மல்லூர் வெற்றி விகாஸ் பள்ளியில் 2-வது தேசிய அளவிலான சிலம்பம் சாம்பியன்ஷிப் போட்டி தொடங்கின. வீரபாண்டி தொகுதி எம்.எல்.ஏ. ராஜமுத்து போட்டிகளை தொடங்கி வைத்தார். பனமரத்துப்பட்டி ஒன்றியக்குழு தலைவர் ஜெகநாதன், வாழக்குட்டபட்டி ஊராட்சி தலைவர் கனிமொழி ஆகியோர் முன்னிலை வகித்தனர். போட்டிக்கான ஏற்பாடுகளை சிவம் சிலம்பம் இளைஞர் சங்க பொறுப்பாளர்கள் மற்றும் சிவம் சிலம்பம் அறக்கட்டளை தலைவர் ஆசான் மாதையன் ஆகியோர் செய்திருந்தனர். இதில் ஏராளமான வீரர் வீராங்கனைகள் கலந்து கொண்டு தங்களது திறமைகளை வெளிப்படுத்தினர்.