இடைநிற்றல் இல்லா பள்ளிகள் - ஆட்சியா் அறிவுறுத்தல்

திருச்சி கலையரங்கத்தில் பள்ளி மேலாண்மைக் குழுத் தலைவா்களுக்கான மாவட்ட அளவிலான மாநாடு நடைபெற்றது.

இந்த மாநாட்டுக்கு தலைமை வகித்து ஆட்சியா் மா. பிரதீப்குமாா் பேசியது: பள்ளி மேலாண்மைக் குழுவின் தலைவா்கள் மற்றும் உறுப்பினா்கள் அனைவரும் மாணவா்களின் நலனிலும் கூடுதல் கவனம் செலுத்த வேண்டும். குறிப்பாக, பள்ளியில் இடைநிற்றல் என்ற நிலையே இருத்தல் கூடாது. ஒரு மாணவரோ, மாணவியோ நின்றால்கூட, குழுவின் தலைவா் அந்த மாணவரின் வீட்டுக்கு சென்று காரணத்தை அறிந்து, அதற்கு தீா்வு கண்டு, மீண்டும் மாணவரை பள்ளிக்கு அழைத்து வர வேண்டும்.

இந்த வகையில், திருச்சி மாவட்டத்தில் கடந்தாண்டு இடைநின்ற மாணவ, மாணவிகளில் 70 சதவீதம் போ் மீண்டும் பள்ளியில் சோ்க்கப்பட்டிருப்பது பாராட்டுக்குரியது. இதோடு நின்றுவிடாமல், ஒவ்வொரு பள்ளியிலும் ஆண்டுதோறும் இடைநிற்றல் எண்ணிக்கையை பூஜ்ஜியம் என்ற நிலைக்கு கொண்டு வர வேண்டும். திருச்சி மாவட்டத்தில் இடைநிற்றல் இல்லா பள்ளிகளாக அனைத்து பள்ளிகளையும் மாற்றம் செய்ய வேண்டும். மாணவா்களின் தோ்ச்சி விகிதத்தை அதிகரிக்கவும், மாணவா்களிடையே போதைப் பொருள் பயன்பாடு இல்லாத நிலையை ஏற்படுத்தவும் தேவையான நடவடிக்கைகளை எடுக்க வேண்டும். எனவே, மேலாண்மைக் குழு தலைவா் உள்ளிட்ட அனைத்து உறுப்பினா்களும் மாணவா்களின் இடைநிற்றல், தோ்ச்சி விகிதம், போதைப் பொருள் ஒழிப்பு ஆகிய மூன்றில் தினமும் கவனம் செலுத்த வேண்டும் என்றாா் ஆட்சியா்.