மேட்டூரில் கஞ்சா கடத்தல் ஈடுபட்ட வட மாநில தொழிலாளி கைது

Salem மாவட்டம் மேட்டூர் அருகே குஞ்சாண்டியூரில் கஞ்சா விற்பனை நடைபெறுவதாக மதுவிலக்கு போலீசாருக்கு தகவல் கிடைத்தது. அங்கு சென்ற போலீசார்  சந்தேகத்திற்கிடமான வகையில் நின்று கொண்டிருந்த வாலிபரை பிடித்து சோதனை மேற்கொண்டனர். அவர் கையில் வைத்திருந்த பையைத் திறந்து பார்த்தபோது அதில் 10 கிலோ கஞ்சா பொட்டலங்கள் இருந்தது. இதனை அடுத்து அவரை கைது செய்த போலீசார் காவல் நிலையம் அழைத்துச் சென்று விசாரணை மேற்கொண்டனர். விசாரணையில் ஒடிசா மாநிலத்தை சேர்ந்த கிஷோர் நாயக் ( 19) என்பது தெரியவந்தது .இவர் ஒடிசாவில் இருந்து கஞ்சா பொட்டலங்களை கடத்தி வந்து, மேட்டூரில் உள்ள தனியார் தொழிற்சாலைகளில் பணியாற்றி வரும் வட மாநில தொழிலாளர்களுக்கு விற்பனை செய்வதாக போலீசார் தெரிவித்தனர். இதனை அடுத்து கிஷோர் நாயக் மீது வழக்கு பதிவு செய்த போலீசார் நீதிமன்றத்தில் ஆஜர்ப்படுத்தி சேலம் சிறையில் அடைத்தனர்.