பேராவூரணியில் தீத்தொண்டு நாள் கடைபிடிப்பு

தஞ்சாவூர் மாவட்டம், பேராவூரணி தீயணைப்பு மற்றும் மீட்புப் பணிகள் நிலையத்தில் ஞாயிற்றுக்கிழமையன்று, தீத்தொண்டு நாள் கடைபிடிக்கப்பட்டது.  பணியின் போது வீரமரணம் அடைந்த வீரர்களுக்கு மரியாதை செலுத்தும் வகையில், தீயணைப்பு நிலைய அலுவலர் (பொ) நீலகண்டன் தலைமையில், வீர மரணம் அடைந்த வீரர்களுக்கு, மலர்வளையம் வைத்து அஞ்சலி செலுத்தப்பட்டது.  அதனைத் தொடர்ந்து பேராவூரணி கடைவீதி, ரயில் நிலையம், பழைய, புதிய பேருந்து நிலையம் ஆகிய இடங்களில், தீத்தடுப்பு விழிப்புணர்வு துண்டுப் பிரசுரங்கள் வழங்கி பொதுமக்களுக்கு விழிப்புணர்வு ஏற்படுத்தப்பட்டது. இதில் தீயணைப்பு வீரர்கள் கலந்து கொண்டனர்.