இருசக்கர வாகன விபத்தில் ஒருவர் படுகாயம்

தர்மபுரி மாவட்டம் விருபாட்சிபுரத்தை சேர்ந்தவர் விக்னேஷ் ஓசூரில் உள்ள தனியார் நிறுவனத்தில் ஊழியராக பணியாற்றி வருகிறார். நேற்று விக்னேஷ் ஓசூரில் இருந்து தனது இருசக்கர வாகனத்தில் தர்மபுரிக்கு வந்து கொண்டிருந்தார். அப்போது காடுசெட்டிப்பட்டி நெடுஞ்சாலை அருகே சென்ற போது சர்வீஸ் சாலையில் இருந்து எதிரே வந்த சொகுசு கார் எதிர்பாராதவிதமாக இருசக்கர வாகனம் மீது மோதியது. இதில் பலத்த காயம் அடைந்த விக்னேசை அந்த வழியாக் சென்றவர்கள் மீட்டு தர்மபுரி அரசு மருத்துவக் கல்லூரி மருத்துவமனையில் சிகிச் சைக்காக சேர்த்தனர். அங்கு அவருக்கு சிகிச்சை அளிக்கப்பட்டு வருகிறது. இதுகுறித்த புகாரின் பேரில் பஞ்சப்பள்ளி காவல்துறையினர் வழக்குப்பதிவு செய்து விசாரித்து வருகின்றனர்.