இருசக்கர வாகன விபத்து ஒருவர் உயிரிழப்பு

தர்மபுரி மாவட்டம், பென்னாகரம் சட்டமன்ற தொகுதிக்குட்பட்ட கிட்டம்பட்டியை சேர்ந்தவர் கோவிந்தன். இவருடைய மகன் ஆறுமுகம் விவசாயி. இவர் தனது மோட்டார் சைக்கிளில் தர்மபுரி- கிருஷ்ணகிரி தேசிய நெடுஞ்சாலையில் சென்று கொண்டி ருந்தார். அப்போது காரிமங்கலம் அடுத்த கெரகோடஅள்ளி பிரிவு ரோடு அருகே சென்றபோது அந்த வழியாக சென்ற சொகுசு கார் மோட்டார் சைக்கிள் மீது மோதியது.

இந்த விபத்தில் படுகாயம் அடைந்து உயிருக்கு போராடிய ஆறுமுகத்தை அக்கம் பக்கத்தினர் மீட்டு சிகிச்சைக்காக தர்மபுரி அரசு ஆஸ்பத்திரியில் சேர்த்தனர். பின்னர் அவர் மேல் சிகிச்சைக் காகசேலம் அரசு ஆஸ்பத்திரியில் சேர்த்தனர். அங்கு சிகிச்சை பலனின்றி ஆறுமுகம் இறந்தார். இந்த சம்பவம் குறித்து காரிமங்கலம் காவல்துறையினர் வழக்குப்பதிவு செய்து விசாரணை நடத்தி வருகின்றனர்.