அரசுபஸ் - டூ வீலர் நேருக்கு நேர் மோதிய விபத்தில் ஒருவர் பலி !

தூத்துக்குடியில் இருந்து ஏரல் சென்ற அரசு பேருந்தை தற்காலிக ஓட்டுனர் மகேந்திரன் என்பவர் ஓட்டி சென்றுள்ளார். அந்த அரசு பேருந்து மொட்டத்தான்விளை கிராமம் அருகே சென்றபோது எதிரே வந்த இருசக்கர வாகனத்தில் நேருக்கு நேர் மோதியது. இதில் இருசக்கர வாகனத்தில் வந்த சாத்தான்குளம் அருகே உள்ள சடையன்கிணறு பகுதியை சேர்ந்த இசை முருகன் என்பவர் பேருந்தின் முன் சக்கரத்தில் சிக்கி சம்பவ இடத்திலேயே பரிதாபமாக உயிரிழந்தார். இவருக்கு கடந்த ஆறு மாதங்களுக்கு முன்பு தான் திருமணம் ஆகி மனைவி தற்போது கர்ப்பமாகி உள்ளன.இவருடன் இரு சக்கர வாகனத்தில் வந்த அதைபகுதியை சேர்ந்த சுரேஸ் என்பவர் பலத்தகாயங்களுடன் ஏரல் மருத்துவமனையில் மேல்சிகிச்சைக்காக அனுமதிக்கபட்டுள்ளார்.இந்த விபத்து குறித்து ஏரல் காவல்துறையினர் விசாரணை நடத்தி வருகின்றனர்.