நாமகிரிப்பேட்டையில் பாஜக கட்சி அலுவலகம் திறப்பு

நாமக்கல் மாவட்டம் இராசிபுரம் பாராளுமன்ற தொகுதியின் பாரதிய ஜனதா கட்சி நாமகிரிப்பேட்டையில் அலுவலகம் திறப்புவிழா அக்கட்சியின் பாராளுமன்ற வேட்பாளர் டாக்டர் கே.பி இராமலிங்கம் அவர்களால் ரிப்பன் வெட்டி திறந்து வைக்கப்பட்டது.

தொடர்ந்து பேசிய அவர் பாஜக வேட்பாளர் டாக்டர் கே. பி. ராமலிங்கம், பலமான கூட்டணி கட்சிகளுடன் நாம் இந்த தேர்தலை சந்திக்கிறோம் எனவே சிறப்பான வெற்றியை மக்கள் நமக்கு தருவார்கள் அதே வேலையில் நாம் ஒவ்வொருவரும் சிறப்பாக செயல்பட்டு பாரத பிரதமர். நரேந்திர மோடி, அவர்களின் கரங்களை வலுப்படுத்தும் விதமாக சிறப்பாக செயல்பட்டு நாமக்கல் மாவட்டத்தில் அதிக வாக்கு வித்தியாசத்தில் நீங்கள் வெற்றி பெற செய்ய வேண்டும்,

அதே வேளையில் தொடர்ந்து சிறப்பாக பணியாற்றி பொதுமக்களிடத்தில் பாரத பிரதமரின் மக்கள் நலத் திட்டங்களை எடுத்துக் கூறி வாக்கு சேகரிக்க வேண்டும், மேலும் பூத் கமிட்டி என்பதை பற்றி யாரும் கவலைப்பட வேண்டாம் இதற்காக பல முக்கிய பிரமுகர்களை குழுவாக அமைத்துள்ளோம். அதே வேளையில் ஒவ்வொருவரும் தங்களது பணியை சிறப்பாக செய்ய வேண்டும் எனவும் அவர் கேட்டுக்கொண்டார்.

தொடர்ந்து தேர்தல் துண்டு பிரசுரம் நிர்வாகி இடத்தில் வேட்பாளர் கே.பி. ராமலிங்கம் வழங்கினார். இவ்விழாவில் மாவட்ட தலைவர் சத்தியமூர்த்தி, மாவட்ட துணைப் பொதுச் செயலாளர்கள் வழக்கறிஞர் ஆர்.டி. இளங்கோ, தமிழரசன், பாஜக நிர்வாகி முருகேசன் , மாநில சுற்றுச்சூழல் பாதுகாப்பு பிரிவு செயலாளர் சதீஷ் சீனிவாசன், நாமகிரிப்பேட்டை பாஜக பொறுப்பாளர் பழனிவேல், ஐஜேகே கூட்டணி தலைவர் முத்துராஜா, தமிழ் மாநில காங்கிரஸ் கூட்டணி பொறுப்பாளர் செல்வகுமார்,

அஇஅதிமுக ஒருங்கிணைப்பு குழு கூட்டணி பொறுப்பாளர் ராஜேந்திரன் இராமசாமி மற்றும் கூட்டணி தலைவர்கள், அமமுக நிர்வாகிகள், பாமக நிர்வாகிகள், பாரதிய ஜனதா நிர்வாகிகள் , மகளிர் அணியினர் என ஏராளமானோர் கலந்து கொண்டனர்.