பைக்கில் ஒரு கிலோ கஞ்சாவுடன் வாலிபர் கைது  !

கன்னியாகுமரி  மாவட்டம் இரணியல் பகுதி தோட்டியோடு ஜங்ஷன் பகுதியில் போலீசார் நேற்று வாகன தணிக்கையில் ஈடுபட்டுக் கொண்டிருந்தனர். அப்போது ஒரு பைக்கில் 3 மூன்று பேர் கஞ்சா கடத்திக் கொண்டு வருவதாக மது விலக்கு போலிசாருக்கு கிடைத்த ரகசிய தகவலின் படி, அவ்வழியாக நம்பர் பிளேட் இல்லாமல் 3 பேர் வருவதை கண்டு ஆய்வாளர் கனகராஜன் அந்த மோட்டார் பைக்கை நிறுத்தி சோதனை செய்தனர். சோதனையில் பைக்கில் 1 கிலோவிற்க்கும் மேலான கஞ்சா இருப்பதை கண்டுபிடித்து அதனை கைபற்றி இரணியலில் உள்ள தக்கலை மதுவிலக்கு பிரிவு காவல் நிலையத்துக்கு கஞ்சா மற்றும் மூவரையும் அழைத்து வந்து விசாரணை நடத்தினர். அதில் கஞ்சாவை கடத்திக் கொண்டு வந்த நாகர்கோவில் வடசேரி ஓட்டுபிரை தெரு பகுதியை சேர்ந்த விக்னேஷ் (23) மீது வழக்குபதிவு செய்து கஞ்சவை பறிமுதல் செய்து, விக்னேஷை இரணியல் நீதிமன்றத்தில் ஆஜர்படுத்தி பின் சிறையில் அடைத்தனர். மற்றும் வடசேரி மரிச்சினி விளை, வாத்தியார் விளை பகுதியை சேர்ந்த இளம் சிறார்கள் இருவரிடமும் போலீசார் விசாரணை நடத்தி வருகின்றனர்.