ட்ரான்ஸ்பார்மர் பழுதால் பொதுமக்கள் அவதி

திண்டுக்கல் மாவட்டம் சாணார்பட்டி ஒன்றியம் கொசவபட்டியில் டிரான்ஸ்பார்மர் ஒன்று உள்ளது.இந்த டிரான்ஸ்பார்மரில் இருந்து புது தெரு, சூசையப்பர் தெரு, சந்தை தெரு ஆகிய பகுதிகளுக்கு மின் விநியோகம் வழங்கப்பட்டு வருகிறது. இந்த நிலையில் டிரான்ஸ்பார்மர் திடீரென பழுது ஏற்பட்டது.இதனால் நேற்று இரவு 7 மணி முதல் மின்வெட்டு ஏற்பட்டு இன்றுவரை தொடர்ந்தது.

இதனால் நள்ளிரவில் குழந்தைகள்,பெரியவர்கள் தூக்கமின்றி பெரிதும் அவதிப்பட்டனர்.மேலும் இன்று காலையில் அரசு மற்றும் தனியார் வேலைக்குச் செல்லக் கூடியவர்கள் மிகவும் அவதி அடைந்தனர்.ஆகவே மின்வாரிய அதிகாரிகள் டிரான்ஸ்பார்மரில் உள்ள பழுதுகளை சீரமைத்து உடனடியாக மின் விநியோகம் செய்ய நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.