சிதிலமடைந்த தண்ணீர் தொட்டியை சரி செய்ய கோரிக்கை

நாமக்கல் மாவட்டம், எலச்சிபாளையம் ஒன்றியம், சின்னமணலி பஞ்சாயத்திற்குட்பட்ட, பாளையம் கிராமத்தில் கடந்த இருபது வருடங்களுக்கு முன்னர், சிண்டெக்ஸ் தண்ணீர்தொட்டி கட்டப்பட்டது. தற்மயம், அடிப்பாகம் ஆங்காங்கே சிதிலமடைந்து காணப்படுகின்றது.

பலத்த காற்றடித்தால், திடீரென கீழேவிழ வாய்ப்புள்ளது. அவ்வாறு விழுந்தால், உயிர்பலிகூட நேரலாம். இங்கு தண்ணீர் பிடிக்க வரும் பெண்கள் மிகவும் அச்சத்துடன் வந்து செல்கின்ற சூழல் ஏற்பட்டுள்ளது.

எனவே, ஆபத்துநேரும் முன்னரே அதிகாரிகள் முறையான ஆய்வுமேற்கொண்டு, சிதிலமடைந்து காணப்படும் தொட்டியை சரிசெய்ய நடவடிக்கை எடுக்க வேண்டும் என மக்கள் கோரிக்கை விடுத்துள்ளனர்.