மேட்டூரில் மருத்துவர் வீட்டில் கொள்ளை - போலீசார் விசாரணை

மேட்டூர் அருகே சின்னக்காவூர் பகுதியை சேர்ந்தவர் மருத்துவர் அபிமன்யு (40). இவர் சேலம் மாவட்டம், ஆத்தூர் பகுதியில் ஸ்கேன் சென்டர் வைத்து நடத்தி வருகிறார். இந்நிலையில்  சின்னக்காவூரில் மருத்துவர் அபிமன்யு வீட்டின் கதவு உடைக்கப்பட்டு வீட்டின் உள்ளே பீரோவை திறந்து சுமார் 2 லட்சம் மதிப்பிலான விலை உயர்ந்த பட்டு புடவைகள் மற்றும்  வெள்ளி பொருட்களை மர்ம நபர்கள் கொள்ளை அடித்து சென்றனர். கொள்ளை சம்பவம் குறித்து கருமலை கூடல் காவல் நிலையத்திற்கு தகவல் தெரிவிக்கப்பட்டது. சம்பவ இடத்திற்கு வந்த போலீசார் வீட்டில் இருந்த சி.சி.டி.வி, காட்சிகளை ஆய்வு செய்தனர்.கொள்ளை சம்பவம் குறித்து மருத்துவர் அபிமன்யு கொடுத்த புகாரின் பேரில் போலீசார் வழக்கு பதிவு செய்து திருட்டில் ஈடுபட்ட நபரை தேடி வருகின்றனர்.