புகையிலை, பிளாஸ்டிக் விற்பனை - ரூ.1.65 லட்சம் அபராதம்
விருதுநகரில் தடை செய்யப்பட்ட குட்கா, பிளாஸ்டிக் விற்பனை செய்த 45 பேருக்கு ரூ.1.65 லட்சம் அபராதம் விதித்து, 7 கடைகளுக்கு சீல் வைத்து உணவு பாதுகாப்பு துறை அதிகாரிகள் நடவடிக்கை மேற்கொண்டனர்.
Update: 2023-12-31 06:41 GMT
விருதுநகரில் டிசம்பர் 1 முதல் 29 வரை புகையிலை, பிளாஸ்டிக் விற்பனை செய்ததற்காக ரூ.1.65 லட்சம் அபராதம் விதிக்கப்பட்டுள்ளது. 7 கடைகள் மூடி சீல் வைக்கப்பட்டுள்ளன. தடை புகையிலை விற்ற 25 நபர்களுக்கு தலா ரூ.5 ஆயிரம் வீதம் ரூ.1.25 லட்சம் அபராதம் விதிக்கப்பட்டுள்ளது. தடை பிளாஸ்டிக் பயன்படுத்திய 18 கடைகளுக்கு ரூ.2 ஆயிரம் வீதம் ரூ.36 ஆயிரம் அபராதம் விதிக்கப்பட்டுள்ளது. 2 கடைகளுக்கு ரூ.4 ஆயிரமும் அபராதம் விதிக்கப்பட்டுள்ளது. 29 நாட்களில் புகையிலை பிளாஸ்டிக் விற்பனை செய்தவர்கள் மீது நடவடிக்கை எடுத்து ரூ.1.65 லட்சம் அபராதம் விதித்து வசூலித்து கருவூலத்தில் ஒப்படைக்கப்பட்டுள்ளதாக விருதுநகர் வட்டார உணவு பாதுகாப்பு அலுவலர் அம்ஜத் இப்ராகிம் கான் தெரிவித்தார்.