சட்டமன்ற நாயகர் கலைஞர் கருத்தரங்கு

ஈரோடு மாவட்டத்தில் திண்டல் வேளாளர் மகளிர் கல்லூரி , வீரப்பன்சத்திரத்திலுள்ள சிக்கய்ய நாயக்கர் கல்லூரி , ரங்கம்பாளையத்திலுள்ள ஈரோடு கலை மற்றும் அறிவியல் (தன்னாட்சி) கல்லூரிகளில் கலைஞரின் நூற்றாண்டு விழாவை முன்னிட்டு "சட்டமன்ற நாயகர் கலைஞர்" கருத்தரங்கம் அரசு தலைமை கொறடா முனைவர் கோவி.செழியன் தலைமையில் நடைபெற்றது.

 3 கல்லூரிகளிலும் சட்டமன்ற நாயகர் கலைஞர் கருத்தரங்கில் நடைபெற்ற பேச்சுப் போட்டியில் ஒவ்வொரு கல்லூரிகளிலும் வெற்றி பெற்று முதல் 3 இடங்களை பெற்ற கல்லூரி மாணவ, மாணவியர்களுக்கு பரிசுகள் மற்றும் பாராட்டு சான்றிதழ்களையும் அரசு தலைமை கொறடா செழியன் வழங்கினார். இந்நிகழ்ச்சியில், ஈரோடு வருவாய் கோட்டாட்சியர் சதீஷ்குமார், ஈரோடு வட்டாட்சியர் ஜெயகுமார், மற்றும் அரசு அலுவலர்கள், உள்ளாட்சி அமைப்பின் பிரதிநிதிகள் உட்பட பலர் கலந்து கொண்டனர்.