நாயை மீட்க போன இடத்தில் காத்திருந்த அதிர்ச்சி

சாணார்பட்டி அடுத்துள்ள வேம்பார்பட்டியில் வசித்து வருபவர் நஷீர் (35) கூலிதொழிலாளி இவரது வீட்டில் வளர்க்கும் நாய் ஒன்று அங்குள்ள காலியாக உள்ள சுமார் 15 அடி ஆழமுள்ள குடிநீர் தொட்டிக்குள் தவறி விழுந்தது. இதனை மீட்க அவர் முயற்சி செய்து முடியாமல் போகவே அவர் தீயணைப்பு நிலையத்திற்கு தகவல் அளித்தார். இதனையடுத்து அங்கு வந்த நத்தம் தீயணைப்பு வீரர்கள் தொட்டிக்குள் இறங்கி நாயை மீட்க முயற்சித்தனர். அப்போது அதிர்ச்சி அளிக்கும் விதமாக உள்ளே ஒரு கருநாகம் உள்ளே சுருண்டு படுத்திருந்தை கண்டனர்.இதனை கண்ட தீயணைப்பு வீரர்கள் கருவி மூலம் பாம்பை லாவகமாக பிடித்தனர். பின்னர் நாயையும் மீட்டு வெளியே கொண்டுவந்தனர்.