கிருஷ்ணகிரி : மாற்றுதிறனாளிகளுக்கு ஸ்மார்ட் கார்ட்

கிருஷ்ணகிரி மாவட்டம் ஊத்தங்கரை வருவாய் வட்டாட்சியர் அலுவலகத்தில் மாற்றுத்திறனாளிகளுக்கு ஸ்மார்ட் கார்டு வழங்க சிறப்பு முகாம் வியாழக்கிழமை நடைபெற்றது. முகாமில் ஊத்தங்கரை சுற்று வட்டார பகுதியில் மாற்றுத்திறனாளிக்கான தேசிய அடையாள அட்டை வைத்துள்ள நபர்கள் கலந்து கொண்டு, ஸ்மார்ட் கார்டு வழங்க விண்ணப்பங்கள் அளித்தனர். இங்கு வருகை புரிந்திருந்த 100 கணக்கான மாற்றுத்திறனாளிகளுக்கு, அடிப்படை தேவைகள் கூட செய்து தரவில்லை. விண்ணப்பங்கள் அளிக்க ஊனமுற்ற மாற்றுத்திறனாளிகள் தரையில் தவழ்ந்தவாறு வந்தனர். அவர்களை அழைத்து செல்ல சக்கர நாற்காலி இருந்தும் அதனை செயல்படுத்த, ஆட்கள் யாரும் இல்லை, கூட்ட நெரிசலை கட்டுப்படுத்தாமல், அடிப்படை வசதிகள் ஏதும் இன்றி சிறப்பு முகாம் நடைபெற்றது. முகாம் மாற்றுத்திறனாளிகளிடையே மன வருத்தத்தை ஏற்படுத்தியது.