காரில் வெளிமாநில மதுபானம் கடத்தல் - 3 பேர் கைது, பறிமுதல்

 கிருஷ்ணகிரி மாவட்டம் தேன்கனிக்கோட்டையில் காவல் ஆய்வாளர் நாகராஜ் தலைமையில் போலீசார் வாகன சோதனையில் ஈடுபட்டிருந்தனர் அப்போது அந்த வழியாக வந்த ஒரு கர்நாடக மாநில பதிவு எண் கொண்ட காரை போலீசார் நிறுத்தி சோதனை செய்தனர். அப்போது அந்த காரில் இரண்டு பைகளில் கர்நாடக மாநில மதுபான பாக்கெட்டுகள் இருந்தது தெரிய வந்தது. காரில் இருந்த 3 பேரையும் பிடித்து போலீஸார் விசாரணை மேற்கொண்டதில் அவர்கள், கர்நாடக மாநிலம் கனகபுரா தாலுகா காடுசிவனஹள்ளி கிராமத்தை சேர்ந்த ஸ்ரீனிவாசா (29) கெத்தள்ளி கிராமத்தைச் சேர்ந்த சீனிவாசன் (39) மற்றும் சிக்கதொட்டகவுடா (40) என்பது தெரியவந்தது. இவர்கள் 3 பேரும் கர்நாடக மாநில மதுபான பாட்டில்களை சட்ட விரோதமாக தேன்கனிக்கோட்டை பகுதிகளில் விற்பனை செய்ய காரில் எடுத்து சென்றது தெரிய வந்தது. இதனையடுத்து அவர்கள் க காரில் இருந்த 900 கர்நாடக மாநில மதுபான பாக்கெட்டுகளை பறிமுதல் செய்த போலீஸார் 3 பேரையும் கைது செய்து நீதிமன்றத்தில் ஆஜர்ப்படுத்தி சிறையில் அடைத்தனர்.