பரமத்தி அங்காளபரமேஸ்வரி கோயிலில் சிறப்பு பூஜை

பரமத்தி வேலூர் தாலுகா பரமத்தியில் உள்ளது மிகவும் பிரசித்தி பெற்ற அங்காளபரமேஸ்வரி கோயில். இக்கோயிலில் ஆனி மாதம் முதல் செவ்வாய்க்கிழமையை முன்னிட்டு சிறப்பு பூஜை நடைபெற்றது. முன்னதாக அம்மனுக்கு பால்,பஞ்சாமிருதம்,தயிர்,மஞ்சள்,திருமஞ்சள்,தேன் ,பன்னீர் உள்ளிட்ட வாசனை திரவியங்கள் கொண்டு அபிஷேகம் நடைபெற்றது. அதனை தொடர்ந்து அம்மனுக்கு பல்வகையான பூக்கள் கொண்டு சிறப்பு அலங்காரம் செய்யப்பட்டு பின்னர் சிறப்பு தீபாராதனை நடைபெற்றது. இந்நிகழ்ச்சியில் கோயில் குடிப்பாட்டு பங்காளிகள்,பொதுமக்கள் மற்றும் ஏராளமானோர் கலந்து கொண்டு அம்மனை தரிசனம் செய்தனர்.