அரசு கலை அறிவியல் கல்லூரியில் பட்டமளிப்பு விழா !

நாமக்கல் மாவட்டம் குமாரபாளையம் அரசு கலை அறிவியல் கல்லூரியில் பட்டமளிப்பு விழா நடந்தது. குமாரபாளையம் அரசு கலை அறிவியல் கல்லூரியில் பட்டமளிப்பு விழா முதல்வர் ரேணுகா தலைமையில் நடந்தது. சிறப்பு அழைப்பாளராக தருமபுரி மண்டல கல்லூரிக் கல்வி இயக்குனர் இராமலட்சுமி பங்கேற்று வாழ்த்தி பேசி, 400க்கும் மேற்பட்ட பட்டங்கள் வழங்கி வாழ்த்தி பேசினார். இவர் பேசியதாவது: இப்படித்தான் வாழ வேண்டும் என முடிவு செய்து வாழ வேண்டும். அடைய வேண்டிய இலக்கை அடைய முயற்சிக்க வேண்டும். அதுவும் நேர்மையாக இருக்க வேண்டும். தளராத இதயம் உள்ளவனுக்கு இவ்வுலகில் முடியாதது எதுவும் இல்லை. எப்படி இருக்க வேண்டும் என்ற ஆற்றல் நம்மிடம் உள்ளது. வெற்றிக்கு எந்த குறுக்கு வழியும் கிடையாது. பிரச்சனைகளை கொடுக்கும் இறைவன் அதை சமாளிக்கும் வழியையும் கொ டுத்து உள்ளான். நீ நினைத்தது முடியும் வரை முயற்சி செய். கஷ்டங்கள் நிரந்தரம் அல்ல. உனக்கான பாதையை நீயே தேர்ந்தெடு. குறை சொல்பவர்களுக்கு நன்றி சொல்லுங்கள். உங்களை நீங்கள் செதுக்கி கொள்ள அவர்கள்தான் காரணம். அப்துல்கலாம் சொன்னது போல், கனவு கண்டு, அது முடியும் வரை முயற்சி செய்ய வேண்டும். பாதை இல்லை என்று கவலை பட வேண்டாம். நீ நடந்தால் அதுவும் ஒரு பாதை ஆகி விடும். இவ்வாறு அவர் பேசினார். அரசு கல்வியியல் கல்லூரி முதல்வர் (பொ) அருணாச்சலம், பேராசிரியர்கள் ரகுபதி, சரவணா தேவி, ரமேஷ்குமார் உள்பட பலர் பங்கேற்றனர்.