கோவிலில் உண்டியல் காணிக்கை எண்ணும் பணி!

திருவண்ணாமலை அருணாசலேஸ்வரர் கோவில் உள்பட கிரிவலப்பாதையில் உள்ள அஷ்ட லிங்க கோவில்களில் தினமும் ஏராளமான பக்தர்கள் சாமி தரிசனம் செய்து வருகின்றனர். இந்த நிலையில் அருணாசலேஸ்வரர் கோவில் மற்றும் அஷ்டலிங்க கோவில்களில் உள்ள உண்டியல்கள் எண்ணும் பணி நடைபெற்றது. கோவில் இணை ஆணையர் ஜோதி முன்னிலையில் உண்டியல்கள் திறக்கப்பட்டு எண்ணப்பட்டது. இதில் ரூ.2 கோடியே 55 லட்சத்து 2 ஆயிரத்து 820-ம், 265 கிராம் தங்கமும், 2 கிலோ 322 கிராம் வெள்ளியும் உண்டியல் காணிக்கையாக பெறப்பட்டது .