விவசாய கூலித்தொழிலாளி வீட்டில் மர்ம நபர்கள் கைவரிசை
மானூர் அருகே விவசாய கூலித்தொழிலாளி வீட்டின் பீரோவை உடைத்து தங்க நகையை மர்ம நபர்கள் திருடி சென்றது குறித்து போலீசார் விசாரித்து வருகின்றனர்.
Update: 2024-01-08 08:09 GMT
காவல் நிலையம்
நெல்லை மாவட்டம் மானூர் அருகே எம்.குப்புகைபுரத்தைச் சேர்ந்தவர் பரமசிவம். இவரது மனைவி கனகலெட்சுமி.விவசாயக் கூலித் தொழிலாளியான இவர்கள் இருவரும் நேற்று காலை வேலைக்கு சென்றவர்கள் மாலை வீட்டுக்கு திரும்பினர். வீட்டுக்குள் சென்று பார்த்தபோது பீரோவை உடைத்து அதிலிருந்த 13 கிராம் தங்க நகையை மர்மநபர்கள் திருடிச் சென்றது தெரியவந்தது. இது குறித்த புகாரின் அடிப்படையில் மானூர் போலீசார் விசாரணை மேற்கொண்டு வருகின்றனர்.