சாலை கடக்கும்போது முதியவருக்கு ஏற்பட்ட சோகம்

சேலம் மாவட்டம் சங்ககிரி அருகே தேசிய நெடுஞ்சாலை பகுதியில் மினி பேருந்து மோதியதில் முதியவர் பலியானதையடுத்து சங்ககிரி போலீசார் விசாரணை. சங்ககிரி வட்டம் வைகுந்தம் பகுதியைச் சேர்ந்த இருசாகவுண்டர் மகன் கந்தசாமி (65). இவர் தனியார் லாரி பட்டறையில் வாட்ச்மேனாக பணியாற்றி வந்துள்ளார். இந்நிலையில் இன்று சங்ககிரி டிவிஎஸ் மேம்பாலம் தேசிய நெடுஞ்சாலை பகுதியில் சாலையைக் கடக்க முயன்ற போது காளிப்பட்டி முருகன் கோவிலில் இருந்து குமாரபாளையம் நோக்கி சென்ற மினி பேருந்து முதியவர் கந்தசாமி மீது மோதி விபத்துக்குள்ளானதில் கந்தசாமி சம்பவ இடத்திலேயே பரிதாபமாக உயிரிழந்தார். இச்சம்பவம் குறித்து தகவலின் பேரில் விரைந்து வந்த சங்ககிரி போலீசார் சடலத்தை மீட்டு பிரேத பரிசோதனைக்காக சங்ககிரி அரசு மருத்துவமனைக்கு அனுப்பி வைத்த பின்னர் வழக்கு பதிவு செய்து தீவிர விசாரணை மேற்கொண்டு வருகின்றனர். இச்சம்பவம் அப்பகுதியில் பெரும் சோகத்தை ஏற்படுத்தியது.