பூசாரிகளுக்கு பயிற்சி

சேலம் மாவட்டம், ஓமலூரை அடுத்த தாரமங்கலம் அருகேயுள்ள ஆட்டையான் வட்டம், கிழக்கு மேட்டில் அமைந்துள்ள காசி கால பைரவர் ஆலய வளாகத்தில் இந்து இறை தொண்டளர்கள் சங்கம் சார்பில் தமிழ் முறை யாகம், பூசாரிகள் ஒரு நாள் பயிற்சி முகாம் மற்றும் சங்க கொடியேற்று விழா நடைபெற்றது. இதில் தமிழகம் முழுவதும் உள்ள பல்வேறு மாவட்டங்களை சேர்ந்த பல பூசாரிகளுக்கு தமிழ் முறை கடவுள் அர்ச்சனை, புண்யாவாசனை, ஆகம பூஜை வழிபாடு உள்ளிட்ட பயிற்சிகள் வழங்கப்பட்டது. மேலும் இந்த நிகழ்ச்சியில் தேய்பிறை அஷ்டமி மிளகாய் யாகம் மற்றும் பல்வேறு புண்ணிய தலங்களில் இருந்து எடுத்து வரப்பட்ட புண்ணிய தீர்த்தங்களை பூஜித்து அயோத்தி ஸ்ரீ ராமர் ஆலய கும்பாபிஷேக விழாவிற்கு அனுப்பும் நிகழ்ச்சியும்  நடைபெற்றது.இதில் சிறப்பு விருந்தினராக  கலந்து கொண்ட தமிழ்நாடு இந்து மக்கள் கட்சி மாநில தலைவர் அர்ஜுன் சம்பத் பயிற்சி பெற்றவர்களுக்கு  சான்றிதழ்களை வழங்கி பாராட்டு தெரிவித்தார். இந்து இறை தொண்டாளர்கள் சங்க மாநில தலைவர்  மாரியப்பன் தலைமையில் நடைபெற்ற இந்த நிகழ்ச்சியில் மாநில செயலாளர் பழனியப்பன், மாநிலத் துணைத் தலைவர் சேகர், மாநில பொருளாளர் பழனிச்சாமி, மாநிலத் துணைச் செயலாளர் படவெட்டி, பயிற்சி ஆசிரியர்கள் பூபாலன், சரவணன் உள்ளிட்ட அனைத்து மாவட்ட மாநில ஒன்றிய பஞ்சாயத்து பொறுப்பாளர்கள் என பலர் கலந்து கொண்டனர்.