மது விற்ற இருவர் கைது

நாமக்கல் மாவட்டம் குமாரபாளையம் பகுதியில் அனுமதி இல்லாமல் மது விற்பனை செய்வதாக போலீசாருக்கு தகவல் கிடைத்தது. இன்ஸ்பெக்டர் தவமணி தலைமையில் எஸ்.ஐ.க்கள் தங்கவடிவேல், சந்தியா, எஸ்.எஸ்.ஐ.க்கள் முருகேசன், குணசேகரன், ஏட்டுகள் ராம்குமார் உள்பட பலர் தீவிர ரோந்து பணி மேற்கொண்டனர். சேலம் சாலை ஜே.கே.கே. பங்களா மற்றும் பள்ளிபாளையம் சாலை கே.ஓ.என்.தியேட்டர்  அருகில், மது விற்பனை செய்து கொண்டிருந்த நபர்களை  கைது செய்தனர். இவர்களிடமிருந்து தலா 2 மது பாட்டில்கள் பறிமுதல் செய்தனர். போலீசார் விசாரணையில் அவர்கள் சிவகங்கையை சேர்ந்த பூமிநாதன், 46, குமாரபாளையத்தை சேர்ந்த சந்திரன், 53, என்பது தெரியவந்தது.