ஆசிரியை வீட்டில் திருடிய இருவர் கைது

கன்னியாகுமரி மாவட்டம் கருங்கல் அருகே பாலப்பள்ளம் பகுதியை சேர்ந்தவர் கிறிஸ்டி நிர்மல்ஜாய்.இவர் சிவகங்கையில் ஆசிரியையாக பணியாற்றுவதால், நீர்க்குழி பகுதியில் உள்ள வீடு பூட்டியே இருக்கும்.இந்நிலையில், வீட்டின் காம்பவுண்ட் சுவர் ஏறிக்குதித்து இருவர் செல்வதை அப்பகுதியினர் பார்த்தனர். சிறிது நேரத்தில் வீட்டில் இருந்து குத்துவிளக்கு மற்றும் சில பொருட்களுடன் தப்பிச் செல்ல முயன்றனர். அவர்களை பொதுமக்கள் துரத்திச்சென்றுபிடித்து கருங்கல் போலீசில் ஒப்படைத்தனர்.

விசாரணையில், ஆரல்வாய்மொழி பகுதியை சேர்ந்த மாயாண்டி மற்றும் பழவூர் பகுதியை சேர்ந்த ராமையா என்பதும் தெரிய வந்தது. அவர்களிடம் இருந்து பொருட்களை பறிமுதல் செய்து இருவரையும் போலீசார் கைது செய்தனர்.