டூவீலர்கள் மோதல் - இருவர் படுகாயம்

கரூர் மாவட்டம், ஆத்தூர் பிரிவு, பெருமாள் நகர், 3-வது கிராஸ் பகுதியைச் சேர்ந்தவர் கனகராஜ் மகன் பிரதீஷ் வயது 21. இவர் மார்ச் 29ஆம் தேதி இரவு 8 20 மணி அளவில், கரூர் - ஈரோடு செல்லும் சாலையில் சென்று கொண்டிருந்தார். இவரது வாகனம், கரூர் ஜேஜே சாலை அருகே சென்றபோது, அதே சாலையில் வேகமாக டூவீலரை ஓட்டி வந்த, கரூர், ஆண்டாங் கோவில் கிழக்கு, வசந்தம் நகர் பகுதியைச் சேர்ந்த ரமேஷ் வயது 33 என்பவர், பிரதீஸ் ஓட்டிச் சென்ற டூவீலர் மீது மோதி விபத்து ஏற்பட்டது. இந்த விபத்தில் இருவரும் வாகனத்துடன் கீழே விழுந்ததில் இருவருக்கும் பலத்த காயம் ஏற்பட்டது. உடனடியாக இருவரையும் மீட்டு தனியார் ஆம்புலன்ஸ் மூலம், கரூரில் உள்ள செந்தில் கேர் மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக பிரதீஷ் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், டூவீலரை வேகமாகவும், அஜாக்கிரதையாகவும் ஓட்டி விபத்து ஏற்பட காரணமான ரமேஷ் மீது வழக்கு பதிவு செய்துள்ளனர் கரூர் மாநகர காவல் துறையினர்.