டூ வீலர்கள் நேருக்கு நேர் மோதல்...

மூலகாட்டனூரில் டூ வீலர்கள் நேருக்கு நேர் மோதல். மூன்று பேர் படுகாயம். கரூர் மாவட்டம், தாந்தோணி மலை, அசோக் நகர், மூன்றாவது கிராஸ் பகுதியைச் சேர்ந்தவர் சூர்யா வயது 19. கரூர் மாவட்டம், அரவக்குறிச்சி, சீத்தப்பட்டி காலனி பகுதியை சேர்ந்தவர் லிவிங் ராஜ் வயது 20. இவர்கள் இருவரும், இவர்களுக்கு சொந்தமான டூவீலரில் திருச்சி- கரூர் சாலையில் டிசம்பர் 31ஆம் தேதி இரவு 8:30- மணி அளவில் சென்று கொண்டிருந்தனர். இவர்களது வாகனம் மூலகாட்டனூர் பகுதியில் உள்ள ரிலையன்ஸ் பெட்ரோல் பங்க் எதிரே சென்றபோது, கரூர் மாவட்டம் உப்பிடமங்கலம் அருகே உள்ள வெண்ணமலை பகுதியைச் சேர்ந்த சசிகுமார் வயது 28 என்பவர், வேகமாகவும் அஜாக்கிரதையாகவும் ஓட்டி வந்த டூ வீலர், சூர்யா ஓட்டிச் சென்ற டூவீலர் மீது நேருக்கு நேர் மோதி விபத்து ஏற்பட்டது. இந்த விபத்தில் சூர்யா அவரது வாகனத்தில் பின்னால் அமர்ந்து வந்த லிவிங்ராஜ் மற்றும் சசிகுமார் ஆகிய மூன்று பேரும் பலத்த காயமடைந்தனர். மூவரையும் மீட்டு தனியார் ஆம்புலன்ஸ் மூலம் கரூரில் உள்ள ராஜ் ஆர்த்தோ மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக சூர்யா அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், டூவீலரை வேகமாகவும், அஜாக்கிரதையாகவும் ஓட்டி விபத்து ஏற்படுத்திய சசிகுமார் மீது வழக்கு பதிவு செய்துள்ளனர் பசுபதிபாளையம் காவல்துறையினர்.