பூமிநாதர் கோவிலில் வாஸ்து பூஜை!

பொன்னமராவதி அருகே உள்ள செவலூர் ஆரணவல்லி சமேத பூமிநாதர் கோயிலில் வாஸ்து நாளையொட்டி வாஸ்து பூஜை நடைபெற்றது. வாஸ்து ஸ்தலமாகப் போற்றப்படும் இக்கோயிலில் வாஸ்து நாள்களில் சிறப்புப் பூஜைகள் நடைபெறும். அதன்படி நடைபெற்ற பூஜையின் தொடக்கமாக சிறப்பு யாகபூஜைகள் நடைபெற்றது. பூஜையில் வைத்து பூஜிக்கப்பட்ட செங்கற்களை வாஸ்து நலன் வேண்டி வீடு கட்டும் பணியில் உள்ளோர், வீடு கட்டும் பணிகள் தடைபட்டோர் பெற்றுச்சென்றனர். ஏற்பாடுகளை செவலூர் வாஸ்து பூஜை நற்பணி மன்றத்தினர் செய்திருந்தனர்.