ஓட்டளிப்பு விழிப்புணர்வு கையெழுத்து இயக்கம்

கள்ளக்குறிச்சியில் வாக்காளர் உறுதிமொழி விழிப்புணர்வு கையெழுத்து பலகையில் கையொப்பமிட்டு கலெக்டர் ஷ்ரவன்குமார், வாக்களிப்பதன் அவசியம் குறித்து விழிப்புணர்வு ஏற்படுத்தினார். வரும் லோக்சபா தேர்தலையொட்டி, கள்ளக்குறிச்சி கலெக்டர் அலுவலகத்தில் வாக்காளர் உறுதிமொழி விழிப்புணர்வு கையெழுத்து பலகை அமைக்கப்பட்டுள்ளது. இதில் கலெக்டர் ஷ்ரவன்குமார், கையொப்பமிட்டு வாக்களிப்பதன் அவசியம் குறித்து விழிப்புணர்வு ஏற்படுத்தினார். டி.ஆர்.ஓ., சத்தியநாராயணன், ஏ.டி.எஸ்.பி., மணிகண்டன், கலெக்டரின் நேர்முக உதவியாளர் (தேர்தல்) சங்கர், தேர்தல்) தனி தாசில்தார் பசுபதி, டி.எஸ்.பி.,க்கள் ரமேஷ், மனோஜ்குமார் பங்கேற்றனர்.