அடையாளம் தெரியாத வாகனம் மோதி தொழிலாளி பலி

திருவண்ணாமலை மாவட்டம், சொரகுளத்தூர் கிராமத்தை சேர்ந்தவர் பெருமாள் (வயது 64) கூலித் தொழிலாளி.இவர் திருவண்ணாமலையில் இருந்து வேலூர் நோக்கி செல்லும் மெயின் ரோட்டில் நடந்து சென்ற போது அடையாளம் தெரியாத வாகனம் அவர் மீது மோதியது.

இதில் பலத்த காயமடைந்த பெருமாள் சம்பவ இடத்திலேயே பரிதாபமாக உயிரிழந்தார்.இதுகுறித்து கலசபாக்கம் காவல் நிலைய போலீசார் வழக்குப் பதிவு செய்து விசாரணை நடத்தி வருகின்றனர்.