சென்ட்ரிங் கம்பி கட்டிய போது பரிதாபம்

மதுரை மாவட்டம், பேரையூர் அருகே உள்ள அத்திப்பட்டியை சேர்ந்த முருகன் கட்டிடங்களுக்கு கம்பி கட்டும் வேலை செய்து வந்துள்ளார். சம்பவத்தன்று முருகன் குடிப்பட்டி விளக்கு அருகே புதிதாக கட்டி வரும் நீர்த்தேக்க தொட்டி வேலைக்கு சென்று சென்ட்ரிங் கம்பியை கட்டிக் கொண்டிருக்கும்போது எதிர்பாராத விதமாக மேலே இருந்து கீழே விழுந்தார். இதில் படுகாயம் அடைந்த அவரை அங்கிருந்தவர்கள் வீட்டு சிகிச்சைக்காக பேரையூர் அரசு ஆஸ்பத்திரிக்கு கொண்டு சென்றனர். அங்கு அவரை பரிசோதித்த டாக்டர் ஏற்கனவே இறந்து விட்டதாக தெரிவித்தார். இது குறித்து சாப்டூர் போலீசார் வழக்கு பதிவு செய்து விசாரித்து வருகின்றனர்.