சேலத்தில் மூதாட்டியை தாக்கிய வாலிபர் கைது

சேலம் அஸ்தம்பட்டி கண்ணன்காடு பகுதியை சேர்ந்தவர் பொன்னம்மாள் (வயது 65). சம்பவத்தன்று வீட்டின் முன்பு இவர் சுத்தம்செய்து கொண்டிருந்தார். அப்போது ஜான்சன்பேட்டையை சேர்ந்த முத்துசாமி மகன் திவ்ய பிரசாந்த் (21) அங்கு வந்து மூதாட்டியை தகாத வார்த்தைகளால் திட்டி தாக்கியதுடன் கொலை மிரட்டல் விடுத்ததாக கூறப்படுகிறது. இது குறித்து மூதாட்டி கொடுத்த புகாரின் பேரில், அஸ்தம்பட்டி போலீசார் வழக்குப்பதிவு செய்து திவ்ய பிரசாந்தை கைது செய்தனர்.