பைக்கில் இருந்து தவறி விழுந்த வாலிபர் உயிரிழப்பு

குலசேகரம் அருகே உள்ள உண்ணியூர்கோணம் தடிமங்கோடு பகுதியை சேர்ந்தவர் விஜயகுமார். அவருக்கு ஒரு மகள் மற்றும் பிரவீன் என்ற மகன் உள்ளனர். மகளுக்கு சில நாட்களுக்கு முன்பு திருமணம் நடந்துள்ளது. பிரவீன் கூலி வேலை செய்து வந்தார். கடந்த 9ம் தேதி பிரவீன் தக்கலைக்கு பைக்கில் வந்துள்ளார்.பின்னர் குலசேகரத்திற்கு திரும்பி செல்லும்போது பத்மநாபபுரம் அருகே செல்லும்போது பைக்கில் இருந்து நிலைதடுமாறி, பிரவீன் கீழே விழுந்தார்.இதில் படுகாயம் அடைந்த அவரை தக்கலை அரசு மருத்துவமனையில் சேர்த்தனர். பின்னர் மேல் சிகிச்சைக்காக பிரவீனை ஆசாரிப்பள்ளம் மருத்துவ கல்லூரி மருத்துவமனையில் சேர்த்தனர் அங்கு தீவிர சிகிச்சை அளிக்கப்பட்டது ஆனால் சிகிச்சை பலனளிக்காமல் உயிரிழந்தார் இது குறித்து தக்கலை போலீசார் இன்று வழக்கு பதிவு செய்தனர்.