தொடர்ந்து 3வது முறையாக போட்டியிடுகிறார் வாரணாசியில் மோடி வேட்புமனு தாக்கல்: 3 மாநில முதல்வர்கள் உள்ளிட்ட தலைவர்கள் பங்கேற்பு

மக்களவை தேர்தலில் தொடர்ந்து 3வது முறையாக போட்டியிடும் உத்தரபிரதேச மாநிலம் வாரணாசி தொகுதியில் பிரதமர் மோடி நேற்று தனது வேட்புமனுவை தாக்கல் செய்தார். அப்போது அவருடன் 3 மாநில முதல்வர்கள், ஒன்றிய அமைச்சர்கள் மற்றும் கூட்டணி கட்சி தலைவர்கள் திரளாக உடனிருந்தனர். கடந்த 2014ம் ஆண்டு மக்களவை தேர்தலில் உத்தரப்பிரதேச மாநிலம் வாரணாசி தொகுதியில் போட்டியிட்ட பிரதமர் மோடி அமோக வெற்றி பெற்று முதல் முறையாக பிரதமராக பொறுப்பேற்றார். அதைத் தொடர்ந்து 2019ம் ஆண்டிலும் வாரணாசியில் வெற்றி பெற்று பிரதமரானார்.