தமிழகத்தில் 9 டி.எஸ்.பி.க்கள் பணியிடமாற்றம்: டிஜிபி சங்கர் ஜிவால் உத்தரவு

தமிழ்நாட்டில் 9 டி.எஸ்.பி.க்களை பணியிடமாற்றம் செய்து டிஜிபி சங்கர் ஜிவால் உத்தரவிட்டுள்ளார்.அதன்படி தாம்பரம், நாகை, திருச்சி, திருநெல்வேலி, மதுரை, திருப்பத்தூர் உள்ளிட்ட 9 மாவட்டங்களில் டி.எஸ்.பி.,க்கள் இடமாற்றம் செய்யப்பட்டுள்ளனர்.

தமிழ்நாடு காவல் அகாடமி கூடுதல் காவல் கண்காணிப்பாளராக முத்துமாணிக்கம் நியமனம் செய்யப்பட்டுள்ளார். ராஜபாளையம் துணை காவல் கண்காணிப்பாளராக ப்ரீத்தி இடமாற்றம் செய்யப்பட்டுள்ளார்.

மேலூர் துணை காவல் கண்காணிப்பாளராக வேல்முருகன் நியமனம். தாம்பரம் காவல் ஆணையரக எஸ்பிசிஐடி டிஎஸ்பியாக இருந்த இளஞ்செழியன் மணிமங்கலம் காவல் உதவி ஆணையராக மாற்றம்.

நெல்லை புறநகர் சப்-டிவிஷன் காவல் டிஎஸ்பியாக இருந்த பாலசுந்தரம் மதுரை காவல் மாவட்ட ஊமச்சிக்குளம் சப்-டிவிஷன் டிஎஸ்பியாக மாற்றம் செய்யப்பட்டுள்ளார்.