திருவண்ணாமலை தீப திருவிழா: 80  சிறப்பு பேருந்துகள் இயக்கம்

விழுப்புரம் கோட்டம், காஞ்சிபுரம் மண்டலத்தில், பல்வேறு பணிமனைகள் இயங்கி வருகின்றன. இதில், பல்வேறு வழித்தடத்தில் அரசு பேருந்துகள் இயக்கப்படுகின்றன. நவ., 26ம் தேதி, திருவண்ணாமலை தீப திருவிழாவை முன்னிட்டு, நவ., 25ம் தேதி முதல், நவ., 27ம் தேதி வரை மூன்று தினங்களுக்கு, 80 சிறப்பு பேருந்துகள் இயக்கப்பட உள்ளன. நவ., 25ல், 20 பேருந்துகள், தீபம் ஏற்றும் தினத்தில், 80 பேருந்துகள் இயக்கப்பட உள்ளன. மேலும், கோவிலுக்கு செல்லும் பக்தர்களின் வருகைக்கு ஏற்ப கூடுதல் பேருந்துகள் இயக்கப்படும் என, போக்குவரத்து துறை அதிகாரி ஒருவர் தெரிவித்தார்.