எடப்பாடி பழனிசாமி இன்று மாலை நாமக்கல் வருகை

நாமக்கல் பாராளுமன்ற தொகுதியில் போட்டியிடும் அ.தி.மு.க. வேட்பாளர் ராஹா தமிழ்மணியை ஆதரித்து அ.தி.மு.க. சார்பில் பிரசார பொதுக்கூட்டம் இன்று (ஏப்ரல் -3) புதன்கிழமை, நாமக்கல் - சேலம் ரோடு, பொம்மைகுட்டைமேடு. பொன்னுதேவி திருமண மண்டபம் அருகில் உள்ள மைதானத்தில் மாலை 6 மணிக்கு நடக்கிறது. இந்த பிரசார பொதுகூட்டத்தில் முன்னாள் முதலமைச்சரும், சட்டமன்ற எதிர்க்கட்சித் தலைவரும், அ.தி.மு.க. பொதுச் செயலாளருமான எடப்பாடி பழனிசாமி வேட்பாளரை ஆதரித்து பேசுகிறார்.

இக்கூட்டத்திற்கு முன்னாள் அமைச்சரும் நாமக்கல் அ.தி.மு.க. மாவட்ட செயலாளருமான தங்கமணி தலைமை வகிக்கிறார். முன்னாள் நாமக்கல் சட்ட மன்ற உறுப்பினர் கே.பி.பி. பாஸ்கர் வரவேற்கிறார். இதையொட்டி இன்று நாமக்கல் - சேலம் ரோடு அதிமுக தேர்தல் பணிமனை அலுவலகத்தில் நடைபெற்ற ஆலோசனை கூட்டத்தில் அவர் பேசுகையில்.... இன்று மாலை நடைபெற உள்ள தேர்தல் பிரச்சார கூட்டத்தில் நாமக்கல், இராசிபுரம் மற்றும் சேந்தமங்கலம் சட்டமன்ற தொகுதியில் இருந்து சுமார் எழுபத்தைந்து ஆயிரத்திற்கும் மேற்பட்ட தொண்டர்கள் கலந்து கொள்வார்கள், என்று கூறினார்.

இந்த ஆலோசனை கூட்டத்தில் நாமக்கல் ஒன்றிய செயலாளர்கள் சேகர், செல்வகுமார், முன்னாள் மாவட்ட ஊராட்சிக்குழு தலைவர் காந்தி முருகேசன், எம்.ஜி.ஆர். மன்ற செயலாளர் குப்புசாமி, நகர அவை தலைவர் விஜய்பாபு மற்றும் வார்டு செயலாளர்கள், வார்டு பிரதிநிதிகள், நிர்வாகிகள், உறுப்பினர்கள், ஒன்றிய கழகச் செயலாளர்கள், ஒன்றிய கழக நிர்வாகிகள், மகளிர் அணி நிர்வாகிகள் தகவல் தொழில்நுட்ப நிர்வாகிகள் இளைஞர் பாசறை நிர்வாகிகள் மற்றும் தொண்டர்கள் திரளாக கலந்து கொண்டனர்.