மக்களுக்கு தொண்டாற்ற யார் வந்தாலும் மகிழ்ச்சி - ஸ்டாலின்

ஸ்பெயின் பயணம் முடிந்து சென்னை விமான நிலையம் வந்த முதல்வர் ஸ்டாலின் செய்தியாளர்களை சந்தித்தார். அப்போது வெளிநாடுகளில் பயணம் மேற்கொண்டு வரும்போது முதலீடுகள் அதிக அளவு ஈர்க்கப்படுகிறது. இதற்கு அடுத்து முதலீடுகளை ஈர்க்க வேறு நாடுகளில் செல்ல வாய்ப்பு இருக்கிறதா என செய்தியாளர்கள் கேள்வி எழுப்பினர்.

அதற்கு பதில் அளித்த முதலமைச்சர், திட்டமிடும்போது உங்களிடம் சொல்லிவிட்டு செய்கிறேன். நாடாளுமன்ற தேர்தல் நெருங்கி வருவதால் அதற்கு பிறகு தான் என்னுடைய பயணங்கள் இருக்கும். என்றார். பிரதமர் உரை நிகழ்த்தி இருக்கிறார். பிரதமரின் பல்வேறு கருத்துக்கள் மற்றும் நிகழ்வுகளை எல்லாம் நீங்கள் பார்த்தீர்களா என செய்தியாளர்கள் கேட்டதற்கு,"பார்த்தேன்,படித்தேன், ரசித்தேன்,சிரித்தேன்,"என்றார்.

நடிகர் விஜய் கட்சி தொடங்கி இருக்கிறார் எப்படி பார்க்கிறீர்கள் என்று செய்தியாளர்கள் கேட்டதற்கு,"மக்களுக்கு தொண்டாற்ற யார் வந்தாலும் நான் மகிழ்ச்சி அடைவேன் நன்றி வணக்கம்," என்றார்.