குளத்துப்பாளையம் அருகே டூவீலர் மீது டிப்பர் லாரி மோதி விபத்து. முதியவர் படுகாயம்.

குளத்துப்பாளையம் அருகே டூவீலர் மீது டிப்பர் லாரி மோதி விபத்து. முதியவர் படுகாயம். கரூர் மாவட்டம், மண்மங்கலம் தாலுக்கா, பள்ளபாளையம் அக்ரஹாரம் பகுதியைச் சேர்ந்தவர் இந்திரஜித் வயது 67. இவர் ஆகஸ்ட் 19ஆம் தேதி மாலை 3:30 மணியளவில், கரூர் - கோவை சாலையில் அவரது டூவீலரில் சென்று கொண்டு இருந்தார். இவரது வாகனம் குளத்துப்பாளையம் ஸ்டார் ஸ்கூல் அருகே சென்றபோது, சாலையை கடக்க முயன்றுள்ளார். அப்போது, கரூர் மாவட்டம், வாங்கல் புதுப்பாளையம், நெரூர் பகுதியைச் சேர்ந்த சரண்ராஜ் வயது 38 என்பவர், வேகமாக ஓட்டி வந்த டிப்பர் லாரி சாலையை கடக்க முயன்ற இந்திரஜித் டூவீலர் மீது மோதி விபத்து ஏற்பட்டது. இந்த விபத்தில் வாகனத்துடன் கீழே விழுந்த இந்திரஜித்க்கு இடது கால், வலது கை முட்டி, வலது கண்ணம், முன்நெற்றி உள்ளிட்ட பகுதிகளில் பலத்த காயமடைந்ததால், உடனடியாக அவரை மீட்டு, தனியார் ஆம்புலன்ஸ் மூலம் கரூரில் உள்ள நாச்சிமுத்து மருத்துவமனைகள் சிகிச்சைக்காக அனுமதித்தனர். இந்த சம்பவம் தொடர்பாக இந்திரஜித் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், இது தொடர்பாக டிப்பர் லாரியை வேகமாகவும், கவனக்குறைவாகவும் ஓட்டி விபத்து ஏற்படுத்திய சரண்ராஜ் மீது வழக்கு பதிவு செய்துள்ளனர் க. பரமத்தி காவல்துறையினர்.