மாநில அளவிலான எட்டாவது சீனியர் பிரிவு மாணவ மாணவிகளுக்கு பிஸ்ட்டு பால் விளையாட்டு போட்டி

மாநில அளவிலான எட்டாவது சீனியர் பிரிவு மாணவ மாணவிகளுக்கு பிஸ்ட்டு பால் விளையாட்டு போட்டி விருத்தாசலம் அடுத்த இருப்புக் குறிச்சி தூய இருதய மேல்நிலைப்பள்ளியில் கடந்த 24 மற்றும் 25 ந் தேதி என 2 நாட்கள் நடந்தது. இதில் 16 மாவட்டங்கள் கலந்து கொண்டது. இப் போட்டியை அகில இந்திய பிஸ்ட்டு பால் சங்கத்தின் செயலாளர் பால விநாயகம் மற்றும்  தூய இருதய மேல்நிலைப்பள்ளி தலைமையாசிரியர் லூர்து ஜெயசீலன் ஆகியோர் கலந்து கொண்டு போட்டிகளை தொடங்கி வைத்தனர். இறுதிப்போட்டியில் பங்கு தந்தை நிர்மல்ராஜ் கலந்து கொண்டு ஆண்கள் பிரிவில் முதலிடம் பிடித்த நாமக்கல் மாவட்டம், இரண்டாம் இடம் பிடித்த  சென்னை மாவட்டம், மற்றும் மூன்றாம் இடம் பிடித்த கடலூர் மாவட்டத்திற்கும், பெண்கள் பிரிவில் முதலிடம் பிடித்த சென்னை மாவட்டம், இரண்டாம் இடம் பிடித்த கடலூர் மாவட்டம், மூன்றாம் இடம் பிடித்த அரியலூர் மாவட்ட அணிகளுக்கு சான்றிதழ் மற்றும் பதக்கங்கள் கோப்பைகள் வழங்கி பாராட்டினார். இதில் கடலூர் மாவட்ட பிஸ்டுபால் சங்க இணைச் செயலாளர்கள்  மனோகர், இருதய பிரகாசம், செந்தில்குமாரி, விஜயலட்சுமி, லதா, ஆகியோர்கள் கலந்து கொண்டனர். முடிவில் கடலூர் மாவட்ட பிஸ்ட்பால் சங்க செயலாளர் ராஜராஜ சோழன் நன்றி கூறினார்.