கடலூர் மேற்கு மாவட்ட திமுக மற்றும் சார்பு அணிகள் சார்பில் தந்தை பெரியார் பிறந்த நாள் விழா

தந்தை பெரியார் பிறந்த நாளை முன்னிட்டு கடலூர் மேற்கு மாவட்ட திமுக மற்றும் சார்பு அணிகளின் சார்பில் திமுக மாவட்ட கழக அலுவலகத்தில் தந்தை பெரியார் படத்திற்கு மாலை அணிவித்து மரியாதை செய்யும் நிகழ்ச்சி நடைபெற்றது. இந்நிகழ்ச்சிக்கு விளையாட்டு மேம்பாட்டு அணி அமைப்பாளர் சி.வெ.க.வெங்கடேசன் தலைமை தாங்கினார். விருத்தாசலம் நகர செயலாளர் தண்டபாணி, ஒன்றிய செயலாளர்கள் வேல்முருகன், கனக கோவிந்தசாமி, நகர மன்ற தலைவர் டாக்டர் சங்கவி முருகதாஸ் ஆகியோர் முன்னிலை வகித்தனர். எழுத்தாளர் இமயம் சிறப்பு அழைப்பாளராக கலந்து கொண்டு தந்தை பெரியார், அறிஞர் அண்ணா, கலைஞர் கருணாநிதி படத்திற்கு மாலை அணிவித்து மரியாதை செய்து தந்தை பெரியாரின் கொள்கைகளை விளக்கி சிறப்புரையாற்றினார். நிகழ்ச்சியில் தலைமை கழக பேச்சாளர் கிருஷ்ணமூர்த்தி, மாவட்ட நெசவாளர் அணி துணை அமைப்பாளர் காந்தி, டைலர் சிவா, வழக்கறிஞர் அணி ரவிச்சந்திரன், மாவட்ட சிறுபான்மை அணி அமைப்பாளர் அன்சர்அலி , ஒன்றிய இளைஞரணி அமைப்பாளர் தர்ம மணிவேல், ஒன்றிய பொருளாளர் பன்னீர்செல்வம், நகர பொருளாளர் மணிகண்டன், மாவட்ட விவசாய அணி துணை அமைப்பாளர் காணாது கண்டான் குமார், இலக்கிய அணி துணை துணை அமைப்பாளர் ராதாகிருஷ்ணன், தகவல் தொழில்நுட்ப அணி அமைப்பாளர்கள் முத்துக்குமார், சத்யராஜ், தமிழ்ச்செல்வன் , மாவட்ட விளையாட்டு மேம்பாட்டு அணி துணை அமைப்பாளர் பிரபாகரன், மூத்த முன்னோடி மங்கலம்பேட்டை யூசுப், தங்கவேல், கொடி மோகன், உள்ளிட்ட நிர்வாகிகள் பலர் கலந்து கொண்டனர்.