தளவாய் பாளையம் தனியார் பொறியியல் கல்லூரியில் மூதாட்டி மின்சாரம் தாக்கி உயிரிழப்பு.

தளவாய் பாளையம் தனியார் பொறியியல் கல்லூரியில் மூதாட்டி மின்சாரம் தாக்கி உயிரிழப்பு. கரூர் மாவட்டம், வேலாயுதம்பாளையம் காவல் நிலைய எல்லைக்குட்பட்ட தளவாபாளையம் பகுதியில் தனியார் பொறியியல் கல்லூரி செயல்பட்டு வருகிறது. இந்த பொறியியல் கல்லூரியில் கடந்த 20 ஆண்டுகளாக, திருச்சி மாவட்டம், மணப்பாறை அருகே உள்ள நடுத்தெரு பகுதியைச் சேர்ந்த லட்சுமணன் ரெட்டி மனைவி எல்லம்மாள் வயது 79 என்பவர் கூலி தொழிலாளியாக பணியாற்றி வந்தார். இந்நிலையில் செப்டம்பர் 29ஆம் தேதி மாலை 4:30 மணி அளவில், வழக்கம் போல் தனது பணியை முடித்துவிட்டு, குளிப்பதற்காக கல்லூரியில் உள்ள மாணவர்கள் விடுதி அருகே குளிப்பதற்கு சென்றுள்ளார். அப்போது அப்பகுதியில் அமைக்கப்பட்டுள்ள மின்கம்பி வேலியில் மின்மோட்டார்காக இணைக்கப்பட்டு இருந்த வயரிலிருந்து மின்சாரம் கசிந்து பாய்ந்தது. இதனை அறியாமல் மின் வேலியை தொட்டதால், மின்சாரம் தாக்கி தூக்கி வீசப்பட்ட எல்லம்மாள் மயக்கமுற்று கீழே விழுந்தார். உடனடியாக அவரை மீட்டு, வேலாயுதம்பாளையம் அரசு மருத்துவமனைக்கு சிகிச்சைக்காக கொண்டு சென்றனர். அங்கு பரிசோதித்த மருத்துவர்கள் எல்லம்மாள் உயிரிழந்து விட்டதாக தெரிவித்தனர். இந்த சம்பவம் அறிந்த எல்லம்மாளின் மகன் ராஜேந்திரன் வயது 49 என்பவர் அளித்த புகாரின் பேரில், சம்பவ இடத்துக்கு விரைந்து வந்த காவல்துறையினர், உயிரிழந்த எல்லம்மாளின் உடலை உடற்கூறு ஆய்வுக்காக வேலாயுதம்பாளையம் அரசு மருத்துவமனை சவக்கிடங்கிற்கு அனுப்பி வைத்து, இது தொடர்பாக வழக்கு பதிவு செய்துள்ளனர் வேலாயுதம்பாளையம் காவல்துறையினர்.